琴日我有艷遇....
係一個XX既艷遇...
話說現在我逢星期三晚去XX大學之校外課程take左個course讀, 班上約有十多二十人. 課堂約共有二十堂, 已上了六堂左右. 同學中有一名男子經常坐我附近, 一時正後面, 一時左後面, 一時右後面...雖知道上呢類型課堂, 不用明文規定, 但同學們大多會坐定一個位置, 很少會周圍坐吓! 所以, 我較留意到呢個同學.
我要clarify一下, "較留意到" : 並不等同有好感呀!! 反之覺得佢無黎老醒呀吓! 
呢個同學仔, 除左無黎老醒周圍亂坐外...我以我既six sense feel 到佢梗係成日係我附近. "附近"係包括我放學走去parking lot 沿路添! 算啦, six sense 還six sense, 同學仔姐, 人地無惡意既! 人地想識個朋友姐, 又或者大家同學一場, 聯誼吓姐!
但, 重點係呢度啦: 識個朋友, 聯誼....就好心你開口講下野啦!!! 佢除左第一次係學校樓下好似好順路(之後見過佢行第二邊走嫁!)陪我行去parking lot個building時有講過野外, 之後係一直無直接同我講野嫁!!!!
好, 又算啦, "條街", "學校"又係公眾地方, 你係我附近出現都無太直接影響到我既! (但佢個樣+望我既眼神好鬼鼠吓! 令我有d不安呀吓!) 大家都應該知我為人係幾o甘善良, 加上又係慢熱人; 可能人地都係慢熱人想識朋友姐...
好啦, 到琴日啦:
想又提下我地個course係有成15min. break, 通常break時d同學仔都會傾番個course同順便聯誼吓既! 但, 呢個同學仔係例牌吾多出聲. 琴日佢又坐我右後面啦, 上堂係左後. 今次吾好details問我點解, 總之six sense到佢好怪吓! 所以我落堂時自以為好醒地一個快步走左去washroom, 諗住整lee整路遲d先走, 點知...
一出washroom門口後, 係防煙門度玻璃見到佢企係度! 心諗, 乜o甘多人等lift等到呢度咩? 明明同時間放學好似得兩班嫁, 呢度仲4部lift, d人流一向去得好快嫁喎 !!
都要行出去ka la, 吾通行後樓梯咩! 一出去見到原來好少人等lift咋, 佢一個人零零社社企係washroom前防煙門口邊. 我一出去就又快步轉右去搭lift, 又剛好有lift到, 咪直入law! 佢係一直跟貼我仲係lift度企我旁, 好在之後另有人入先隔住左!
出lift啦: 我幫手按lift button讓d人出先, 佢又係左邊用手按住lift門喎! 最後佢又係等埋我先出. 我見佢又無出聲, 我無打算同佢有眼神接觸或主動講半句野就又快步走出大堂. Again...佢又快步跟住我.
大家睇上圖啦!
我一出到building 門口, 我就快步向前後再轉左出大街, 而佢就走左去行人路方向. 仲一心諗住我多心姐, 人地都無話等我同跟我...點知, 整鬼佢包抄我呀!!! 其實呢我眼尾睇到佢半跑半跳o甘行嫁啦, 但諗住呢d係佢個人步姿姐. 鬼知佢原來想包抄我lor! 突然係我左前面跳出黎! 佢呀, 又係無出聲嫁!!! 我明明無約定同佢玩包抄遊戲嫁!?!?!? 所以我係keep住當睇佢吾到, 再加快脚步扮趕時間直行! o甘佢又係我後面再轉包抄我右面, 又再突然係我右前面跳出黎lor! 今次佢仍然無出聲佢就望住我! 而我, 一早已拎定電話出黎, 果刻按吾切ka, 咪大聲扮講野, 講到約左人等我lor! 然後再急步速逃到達泊車處大堂lor!
大佬呀, 你想點呀? 想識個朋友既, 其實class break時你可以同我講野, 沿路行亦可! 雖知道我一向係斯文同溫文爾雅果批, 有同學仔想聯誼, 我會好斯文o甘回應嘛! 但, 佢再係o甘左右包抄+鬼鼠眼神+突然跳出+吾聲吾聲....我吾排除我會媽叉你lor!!! (人地明明係斯文女仔ka嘛
)
話時話, 果條街同個parking builiding有dd靜lor, 不過如果叫"救命" "搶野" 都有人聽到既! 大佬你吾好迫我呀吓!!!!!!
)
